Маринадланган кыяр

Маринад өчен:

1 стакан шикәр комы (кырлы стакан)

2 аш кашыгы тоз,

1 стакан уксус,

6 аш кашыгы кетчуп (чили),

7 стакан салкын су.

Әзерләү:

Югарыда язылган барлык ингредиентларны да шикәр эрегәнче болгатабыз.

1 литрлы банкалар төбенә укроп, керән яфрагы, кара борыч, 1-2 телем сарымсак салабыз. Кечкенә кыярларны банкаларга тутырабыз. Сап-салкын маринад салып, сулы кәстрүлдә стерилизациялибез: банкаларны кайнаган суда 10-15 минут тотабыз.

Аннары крышкалар белән кышкылыкка ябабыз.

чыганак: матбугат ру