Бәйрәм табынында 24 кеше утырмасын!

Бу бүген туган кешеләргә кагыла.

Халык сынамышлары буенча, 24 июльдә туган кешеләр бүген бурычка акча, икмәк, тоз алырга, юынырга, туй көнен билгеләргә тиеш түгел. Туган көн үткәрә калсалар, табын артында нәкъ 24 кеше утырырга ярамый икән.

Бүген урманга барсагыз, сак булыгыз, күңелегездә начар ниятләр булса, сезгә кечкенә “кызыл чәчәк” ияреп кайтырга һәм кич өегездә янгын чыгарырга мөмкин, имеш.

Бүген туган көнен бәйрәм итүчеләр тормыш юлында күп сынаулар аша үтә, диләр. Талисман итеп аларга гранат ташлы көмеш бизәнгеч тагарга кирәк. Ул - мәхәббәт һәм дуслык ташы.

чыганак: матбугат ру