Бәйрәм өстәленә “Ак төн” салаты.

Моның өчен 5 пешкән йомырка, 200 г ысланган тавык ите, 200 г маринадланган гөмбә, 100-150 г сыр, яшел тәмләткечләр, майонез яки каймак алына. Йомырканың агын сарысын аерып алып, аларны аерым кыргычта уарга. Ит һәм гөмбәне ваклап турарга. Сырны вак кыргычтан чыгарырга. Һәр катламын: ит, гөмбә, йомырка агы, сыр, йомырка сарысын майонез яки каймак белән буяп салырга. Яшел тәмләткечләр белән бизәргә.