“Тун астындагы” тавык әзерлибезме?

Моның өчен тавыкның түш ите, 3 бәрәңге, 2 помидор, 1 суган, шампиньон гөмбәсе, 150 г каймак, тәменчә тоз, төелгән борыч алына.

Суган һәм шампиньонны вак итеп турыйбыз һәм майлы табада кыздырабыз. Тавыкны төеп, өстенә тоз, борыч сибәргә. Бәрәңгене чистартып, эре кыргычтан үткәрергә.

Төелгән тавык итен табага салырга һәм өстенә суган, шампиньон, помидор салып, өстенә тоз сибәргә һәм уылган бәрәңге салырга. Иң соңыннан каймак (майонез да ярый) сыларга.

Духовкада пешерергә.