Мотоцикл белән тракторны таптатмакчы булганмы әллә?

Башкортстан ЮХХДИ хезмәткәрләре хәбәр итүенчә, кичә төнлә Миякә районында юл-транспорт һәлакәтенә мотоциклда балигъ булмаган балалар тарыган.

Фаҗиганең Колтай-Каран авылында булуы ачыкланды.

Юл полициясе мәгълүматлары буенча, 17 яшьлек егет мотоцикл руле артында тракторга килеп менгән. Нәтиҗәдә, егет һәм аның ике пассажиры – 17 яшьлек кыз һәм 15 яшьлек егет - җәрәхәтләнгән.

– Мотоцикл билгеләнгән тәртиптә теркәлмәгән, шулай ук яшьләр тәүлекнең караңгы вакытында фараларсыз һәм мотошлемсыз хәрәкәт иткән, егетнең мотоцикл белән идарә итү хокукы булмаган. Аның канын химик-токсикологик экспертизага җибәрдек, - диде ЮХХДИ хезмәткәре.

чыганак: матбугат ру