"Барысы да җиңү өчен!" лозунгы - мөһим девиз!

- "Барысы да җиңү өчен!" девизы республиканың һәр кешесенә ныклы адым ясарга лозунг буларак кабул ителә. Без, Русия Әфганстан ветераннары, даими рәвештә хәрби хезмәткәрләрне озатуда катнашабыз, аларга гуманитар планда ярдәм итәбез. Хәрби техниканы комплектлыйбыз һәм җибәрәбез. Бу җәһәттән эшчәнлегебезне арытаба да дәвам итәчәкбез, чөнки мин һәм башкалар безнең территориягә сугышны рөхсәт итәргә ярамаганын аңлыйбыз. Радий Фәрит улының бу теләкләрен тулысынча хуплыйбыз.

Муниципаль район хакимияте башлыгы җитәкчелегендә безнең район ышанычлы рәвештә алга бара.

МХОдан кайткан егетләребез иҗтимагый хәрәкәттә актив катнаша, яшьләргә патриотик тәрбия бирү белән шөгыльләнә, үзләренең кыйммәтле тәҗрибәләрен һәм батырлыкларын үсеп килүче буынга тапшыра. Бу ныклык, сыгылмас ихтыяр һәм чын патриотизмның ачык мисалы.

Гүзәл ФӘТХУЛЛИНА.