Иң мөһим бурыч – МХО яугирләренә мөмкин кадәр булышу

Рубен Хәсәнов, махсус хәрби операциядә катнашучы, хәрби хәрәкәтләр ветераны:

Башкортстан Республикасы Башлыгы Радий Хәбировның Дәүләт Җыелышы — Корылтайга Юлламасы «Барысы да Җиңү өчен!» девизы астында яңгырады. Үз чыгышында төбәк җитәкчесе республика өчен өстенлекле юнәлешләрне билгеләде, шул исәптән хәрби хезмәткәрләрне тулысынча акчалата тәэмин итүгә, махсус хәрби операциядә катнашучыларга һәм аларның гаиләләренә комплекслы ярдәм күрсәтү мәсьәләләренә аерым игътибар бирде.

Махсус хәрби операциядә катнашучылар хәрби хәрәкәтләр ветераннары статусына ия. Бүгенге көндә Ватанны саклаучыларга карата дәүләт сәясәтенең сизелерлек үзгәрүе күзәтелә. Юлламада фронт шартларында хезмәт үткән хәрби хезмәткәрләргә психологик һәм социаль ярдәм күрсәтүнең әһәмияте ассызыкланды. Әлеге категориядәге гражданнар аерым игътибарга һәм хөрмәткә лаек, чөнки алар илебезнең куркынычсызлыгын, суверенитетын һәм территориаль бөтенлеген тәэмин итүдә турыдан-туры катнаша. Практикада махсус хәрби операциядә катнашучыларга һәм аларның гаилә әгъзаларына акчалата түләүләр, социаль гарантияләр һәм ярдәм чаралары гамәлдә булуы раслана.

Хәрби хезмәткәрләргә һәм аларның гаиләләренә консультацион һәм практик ярдәм күрсәтү максатыннан, республика районнарында «Ватанны саклаучылар» федераль фондының бүлекчәләре эшли. Әлеге бүлекчәләрдә социаль ярдәм чаралары, хокукый мәсьәләләр һәм тиешле ташламалар буенча тулы мәгълүмат алырга мөмкин.

Радий Фәрит улы республика халкына бердәмлек, җаваплылык һәм гражданлык активлыгы өчен рәхмәт белдерде. Республика тарафыннан барлыгы 171 гуманитар конвой җибәрелде, шул исәптән безнең районнан — 34. Моннан тыш, республикадан фронтка мең ярымнан артык транспорт чарасы тапшырылды, безнең район өлешенә 43 автомобиль туры килә.

Башкортстан Республикасы Башлыгы билгеләп үткәнчә, бүгенге көндә ике төп бурыч билгеләнә: махсус хәрби операциягә нәтиҗәле ярдәм күрсәтү һәм республиканың социаль-икътисади үсешен тәэмин итү. Әлеге бурычларны гамәлгә ашыру өчен республика халкы тарафыннан алга таба да барлык мөмкинлекләр файдаланылачак.

Лилия ЙОСЫПОВА.