Һәр сорауның мөһимлеген аңлап

Алдан хәбәр ителүенчә, муниципаль район хакимиятендә БР Дәүләт комитетының юстиция эшләре буенча рәисе Владимир Спеле гражданнарны кабул итү үткәрде. Шулай ук анда муниципаль район хакимияте каршындагы административ комиссиянең баш белгече – җаваплы секретаре Алиса Баһманова, хокук һәм программа белән тәэмин итү бүлеге начальнигы, баш юрисконсульт Вадим Нурыев катнашты.

Кабул итүләрдә ятимнәргә бирелгән торакны приватизацияләү турында, балигъ булмаган яшүсмернең әтисе исемен үзгәртүгә, бина фасадларында реклама конструкцияләре һәм баннерларны урнаштыруга кагылышлы сораулар яңгырады. Владимир Иванович һәркайсын хәл итү буенча конкрет киңәш-тәкъдимнәрен җиткерде, аерымнарын арытаба карап, хәл итәчәген белдерде.