Алар күңелләрдә яши

Югары Яркәйдәге яугир-интернационалистларга багышланган һәйкәл янында Хәтер көне үтте. Чарада «Хәрби туганлык» ветераннар җәмәгать оешмасы рәисе Фларис Нурлыгаянов, Русия ДОСААФның БР Илеш районындагы бүлекчәсе рәисе Рәзиф Шәйхәйдаров катнашып, чыгыш ясады. Чарада катнашкан кайнар нокталарда хәрби хезмәт юлы үткән ветераннар, «Хәрби туганлык» ветераннар җәмәгать оешмасы әгъзалары бу көнне якташларыбыз өчен горурлык хисе кичерде, аларны бер минут тынлык белән искә алды. Чара һәйкәлгә чәчкә салу һәм истәлеккә фотога төшү белән тәмамланды.