Бердәм һәм оешкан төстә үтә

Аккүз авылындагы 2049 сайлау участогы, һәрвакыттагыча мөһим кампаниягә җитди әзерлек белән килде. Сайлау участогы рәисе Рәмил Ибраһимов әлеге мөһим кампаниядә актив катнашырга чакырып, илнең тыныч булуын теләде.

Урнага иң беренче бюллетеньне Әхнәф Миңнекәев салса, яшь сайлаучылар Булат Шакирҗанов һәм Рамазан Зарипов беренче тапкыр гражданлык бурычын үтәде. Сайлау участогы мәгълүматларына караганда, сәгать өчкә халыкның 55 проценты сайлауга килеп, лаеклыларга тавышын бирде.