Боз мәйданчыгында «Маяк» призы өчен

Югары Яркәйдәге физкультура-сәламәтләндерү компексы янындагы боз мәйданчыгында (2118нче сайлау участогында) «Маяк» призына хоккей буенча ачык турнирның нәтиҗәләре мәгълүм булып, алар түбәндәгечә. Чакмагыш районының «MGAZ” командасы җиңү яуласа, Илеш хоккейчылары икенче урынга ия булды. Нияз Биктимеров - «Иң яхшы яклаучы», Данил Моратов - «Иң яхшы капкачы», Айдар Газетдинов «Иң яхшы һөҗүм итүче» номинациясенә ия булды. Илеш мәгълүмат үзәге директоры Рөстәм Хисаметдинов турнирны ябу тантанасында катнашып, җиңүчеләрне тәбрикләде. Аларга Дипломнар һәм истәлекле бүләкләр, кубок белән медальләр тапшырды.