Гаилә ялы

2018 ел – Башкортстанда Гаилә елы уңаеннан БР Төньяк-көнбатыш районара «Гаилә» үзәге ДБУның Илеш районы бүлекчәсе район балалар иҗат үзәге белән берлектә «Гаилә ялы» дип исемләнгән күркәм чара оештырды. Шуны билгеләргә кирәк, бүгенге көндә район территориясендә 3 меңләп гаилә, шул исәптән 500 күп балалы гаилә яши. Әлеге чарада Выйльдановлар, Мөхәметдиновлар, Латыйповлар, Сәлиховлар, Вәлиевлар, Гыйлемхановлар, Нуриевлар, Хәдимуллиннар гаиләләре катнашып, «Гаилә альбомы» мастер-классларда катнашты, истәлеккә фотога төште. Чараны район балалар иҗат үзәгенең вокал буенча укытучы Зифа Фәтхуллина төркемендә шөгыльләнүчеләр Алина Выйльданова, Надим Сабиров, Азалия Закирова, Гөлдәр Сәлмәнова, Булат Гарифуллин җыр-моңнары белән бизәде. Барлык катнашучыларга Грамоталар тапшырылды.