Илеш районының Югары Яркәйдәге 1 нче гимназиядә урнашкан 2115нче Коммунистик сайлау участогында тавыш бирү оешкан төстә башланып китте. Биредә 984 сайлаучы теркәлгән. Әйтергә кирәк, халык иртәнге сәгатьләрдә үк үзенең гражданлык бурычын үтәргә ашыкты. Иң беренче булып бюллетеньне сайлау урнасына Ләйсән Закирҗанова төшерде. Шулай ук кулына беренче тапкыр бюллетень алучы16 кеше бу көнне лаеклыларга үз тавышын бирәчәк. Төрле сәбәпләр белән сайлауга килә алмаучылар өчен өйгә барып сайлату бригадасы эшли.