Сайлау бәйрәм төс алды

Түбән Череккүл авылындагы 2104 нче сайлау участогында тавыш бирүдә халык бердәм катнашты. Комиссия рәисе Рәсим Кәрамов биргән мәгълүматлар буенча сәгать дүрткә исемлектәге 439 сайлаучының 310ы катнашып, халык ышанычлылары өчен үз тавышын бирде. Беренчеләрдән булып, Лилия һәм Альберт Ситдыйковлар бюллетне урнага салды.

Сайлау участогында «Уңыш бәйрәме» аеруча ямьле үтте. Бакча яшелчә-җимешләреннән, чәчәк композицияләреннән, кул эшләреннән күргәзмә тәкъдим ителде. Чара авыл үзешчәннәренең чыгышлары белән үрелеп барды.