Тыныч һәм ачык шартларда үтә

Югары Яркәйдәге 2114 нче Совет сайлау участогында барлыгы 1370 сайлаучы исәпләнеп, мөһим кампаниядә актив катнашты. Урнага иң беренче бюллетеньне Сәкинә Хөснетдинова салып, аңа истәлеккә бүләк тапшырылды. Әйтергә кирәк, ул участокка 17 ел рәттән беренчеләрдән килеп сайлый. Шулай ук 11 яшь кеше беренче тапкыр гражданлык бурычын үтәде.Участокка килә алмаучылар да бердәм тавыш бирүдән читтә калмады – кичке 17.00 сәгатькә 20 кешене өйләренә барып сайлаттылар. Биредә полиция хезмәткәрләре дежурлык итте, кандидатлардан күзәтүчеләр катнашты. Тавыш бирүләр тыныч шартларда тәмамланды.