Яңа ел күрке — чыршы

Югары Яркәйдәге үзәк мәйданда төп чыршының утларын, гирляндаларын кабызу уңаеннан чара үтте. Үзәк чыршы янына бала-чагасыннан алып өлкәненә кадәр җыелган иде, мәйдан гөрләп торды. Район мәдәният сарае хезмәткәрләре кызыклы театральләштерелгән тамаша тәкъдим итте. Үзешчән сәнгать осталары башкаруындагы чыгышлар җырлы бүләк булды. Уеннар да оештырылып, анда халык актив катнашты, иркенләп күңел ачты.