+14 °С
Облачно
Гаилә
31 Декабря 2020, 21:00
Гаилә белән чаңгыда
Спортның чаңгы төре соңгы елларда ныклы үсеш алды.
Бу җәһәттән районда ел саен традицион рәвештә чаңгы буенча ярышлар актив оештырыла. Узган җомга көнне Югары Яркәйнең телебашнясы янындагы чаңгы трассасында районның оешма-предприятиеләре, учреждениеләре арасында «Лыжня-2019» чарасы үтте.
Анда район мәдәният сарае үзешчән сәнгать осталары чыгышлары җырлы сәлам булып яңгыраса, гаиләсе белән килүчеләр өчен уеннар оештырылды.
Чаңгычылар кышкы урманның саф һавасын сулап, иркенләп үз дистанциясен узды. Чараны йомгаклап, муниципаль район хакимияте башлыгы урынбасары Рәмил Хәертдинов, муниципаль район хакимиятенең яшьләр сәясәте, физик культура, спорт һәм туризм буенча комитеты рәисе Иршат Фәсхиев, БР Төньяк-көнбатыш «Гаилә» районара үзәге ДБУның Илеш районындагы бүлекчәсе җитәкчесе Татьяна Васильева чыгыш ясады.