+25 °С
Облачно
Год полезных дел
26 Ноября 2023, 06:50
Гаиләнең йөрәге сез, һәркемнең иң кирәге сез.
Абдулла авылында яшәү Лилия Рәхимҗан кызы һәм Ришат Мөдәрис улы РӘВИЛОВЛАР биш балага гомер биреп, үзләренә хас күркәм сыйфатларны балаларына күчереп яшәүче үрнәк гаиләләрнең берсе.
Гаиләнең йөрәге сез, һәркемнең иң кирәге сез.
Лилия белән Ришат Казахстан якларында туып-үскән, шунда табышып, гаилә корган. Илдә чолганышлар башлангач, әти-әниләренең төп чыгышы булган Башкортстан җиренә кайтып урнаша. Алар үзләрен тырыш гаилә итеп танытты, авыл халкының ихтирамын казанды.Үз көчләре белән ана капиталына йорт тергезеп, малтуар, кош-корт асрап, бакча үстереп яши.
Ришат бүгенге көндә ТРның Яр Чаллы шәһәрендә, ә Лилия авылда сатучы булып эшли. Өлкән уллары Ринат техник-программист, спорт белән шөгыльләнә, Сабина коррекцион педагог һөнәрен сайлаган. Ә инде кечеләре - Зиннур, Самирә, Нурислам мәктәптә белем ала.
2015 елда Лилия Рәхимҗан кызы Башкортстан Республикасы Башлыгы Указы белән “Ана даны” медале белән бүләкләнде.
Авыл советы территориясендә шундый гаиләләр булуы сөендерә. Бер-берсен аңлап, балаларына дөрес тәрбия биреп яшәгән шушындый гаиләләрнең барысына да шөкер итеп яшәүләре соклануга лаек.
