Бәйрәм котлавы

Хөрмәтле полиция хезмәткәрләре, тармак ветераннары! Сезне муниципаль район хакимияте һәм үземнең исемнән һөнәри бәйрәмегез – РФ Эчке эшләр органнары хезмәткәре көне уңаеннан ихлас котлыйм. Вакыт узган саен ил дә, җәмгыять тә, алар белән бергә, полиция дә үзгәрә. Хезмәтегезнең мәгънәсе генә һаман элеккечә – гражданнарның хокук һәм ирекләрен саклау. Тормыш сездән тәвәккәллек, батырлык, эшкә бирелгәнлек сорый. Бервакытта да югалып калмыйча, камилләшкән эш алымнары кулланып, кешеләр тынычлыгын саклауга зур өлешегезне кертәсез. Районыбыз хокук һәм җәмәгать тәртибенең торышы буенча һәм криминоген яктан республикада тыныч төбәкләрнең берсе булып санала. Киләчәктә дә хәвефсез тормыш тәэмин итү, җинаятьләрне киметү, тәртипсезлекне булдырмау буенча тырышлык салырсыз, дип ышанабыз. Сезгә һәм якыннарыгызга ныклы сәламәтлек, гаилә бәхете, кешеләр иминлеге хакына авыр һәм җаваплы хезмәтегездә уңышлар телим. Илдар МОСТАФИН, муниципаль район хакимияте башлыгы.

Бәйрәм котлавы