Маяк
+26 °С
Болытлы
Барлык яңалыклар
Мең дә бер киңәш
10 август 2019, 22:45

Стресстан котылырга теләсәң, сыер кочакла!

Тискәре авыр уйлардан котылыр һәм җиңеллек тояр өчен сыер кочакларга кирәк.

Безнең заманның тормыш ритмы бик күпләрне һәм бик еш стресска китереп җиткерә. Һәркем әлеге бәладән үзенчә котылырга тырыша. Әмма берәү дә Американың Нью-Йорк шәһәре янында урнашкан ферма хуҗасы Сюзанна Вуллерс тәкъдим иткән ысулны кулланып карамагандыр әле. Ханым тискәре авыр уйлардан котылыр һәм җиңеллек тояр өчен сыер кочакларга куша. Яныңда зур җылы хайванның булуы нервыларны тынычландыра икән. Ике кеше өчен Сюзаннаның фермасына бер сәгатькә кереп сыер кочаклап чыгу хакы 75 доллар тора. Дүрт кеше кергән очракта 125 доллар түлиләр. Тәүдә кунакларны Бонни һәм Белла кушаматлы сыерлар белән таныштыралар. Аннан алар янында утырып торырга тәкъдим итәләр. Бөтен кешеләр дә тискәре уйларыннан арынгач кына малны кочакларга рөхсәт ителә. 
Сыерларын Сюзанна сугым урыныннан сатып алып кайткан. Үлемнән коткарган хуҗабикәләренә рәхмәт йөзеннән маллар гомерләренең соңгы көненәчә терапевт һәм психолог булып эшләргә риза булыр, мөгаен. 
Чыганак: Матбугат.ру 
Фото: Ачык чыганак.
Читайте нас: