Монда минем үткәнем һәм киләчәгем

«Тел – ананың балага зур бүләге», - дип әйтә миңа әнием. Әйе, бу бик дөрес. Ул яктан мин икеләтә бәхетле. Өебездә туган телемдә сөйләшсәм, мәктәптә башкорт телен өйрәнәм. Әнием – башкорт теле укытучысы. Без аның белән төрле әкиятләр укыйбыз, шигырьләр ятлыйбыз, җырлар җырлыйбыз. Башкортстан турында кызыклы материаллар җыябыз. Үзем бию түгәрәгенә йөрим. Анда бигрәк тә башкорт биюләрен яратып башкарам. Телевизордан башкорт телендәге мультфильмнар карарга да яратам мин.