Каникул күңелле һәм файдалы үтә

Бүген “Хәрби туганлык” район җәмәгать оешмасы рәисе Фларис Нурлыгаянов җитәкчелегендә әгъзалары Алик Рахманов (Түбән Череккүл авылы), Илдар Габдрахманов (Дөмәй), Фәрис Хәбибуллин, Артур Нафыйков (Югары Яркәй) патриотик тәрбия бирү максатында балалар белән очрашты. Алар үзләренең тормыш юлы, солдат еллары хатирәләре белән уртаклашты. Шулай ук башлангыч хәрби әзерлек элементларын күрсәтү максатында яшь буынны автоматны сүтеп җыю таныштырдылар. Кызлар, малайлар күркәм концерт номерлары тәкъдим итте.