Башкортстанда мәгариф системасы тотрыклы үсеш юлында

Башкортстан Республикасының мәгариф һәм фән министры Илдар Мәүлетбирдин юлдаш телеканалы оештырган “Интервью” тапшыруында әлеге тармакның 2024нче елдагы эш нәтиҗәләре, уңышлары, яңа 2025 елга билгеләнгән бурычлар һәм максатлар турында сөйләде.

Ул шулай ук балалар бакчаларын капиталь ремонтлау буенча программага старт бирелүен яхшы башлангыч буларак билгеләде.  Әле исемлеккә республиканың 16 балалар бакчасы кергән, аларга 840 миллион сум федераль акча бүленә. Ә киләсе елдан колледжларны, беренче чиратта аларның гомум торакларын капиталь ремонтлау программасы старт ала.

Әңгәмә барышында Башкортстан Башлыгы Радий Хәбировның еллык мөрәҗәгатьнамәсе  барышында укытучыларга ярдәм йөзеннән  билгеләнгән чаралар турында да сүз барды. Төбәк җитәкчесе педагогларга шифаханә-курортка юлламалар бүлү турында әйткән иде. Моннан тыш, бездә, республика Башлыгының тәкъдименә ярашлы, бихисап грантлар булдырылган. Илдар Марат улы шулар турында да җентекле аңлатма бирде.

Ә инде Радий Хәбировның мөрәҗәгатьнамәсендә билгеләнгән бурычларны тормышка ашырып, 2025нче елдан ел саен меңләгән педагог республика шифаханәләрендә ял итү мөмкинлегенә ия була. Бу хакта Указга кул куелган да инде.

Әңгәмә барышында Уфада төзеләчәк Республика математика лицее турында да сүз барды. Проект федераль казна ярдәме белән тормышка ашырыла. Әйтергә кирәк, башлангыч ил Президенты Владимир Путин тарафыннан да хупланды. “Республикабызның төрле почмакларыннан сәләтле балалар өчен уникаль белем бирү үзәге оештырабыз. Бу мәктәпне тәмамлаучылар Русиянең горурлыгы булачак, - дигән иде республика җитәкчесе.

Әңгәмә барышында шулай ук “Профессионалитет” программасы, аның яшьләргә һөнәр сайлауда, республикабызның икътисад тармакларын, сәнәгать предприятиеләрен  кирәкле белгечләрен белән тәэмин итүдәге роле һәм әһәмияте билгеләнде. Шул нигездә республика колледжларының матди-техник базасын ныгыту, алардагы лаборатория һәм остаханәләрне заманча җиһазлар белән тәэмин итү өчен максатлы эшләр алып барыла. Мәсәлән, быел, республиканың алты колледжы 100 миллион сумлык федераль грантларга лаек булган. Бу суммага Башкортстан җитәкчелеге тагын 50шәр миллион  сум өстәгән. Киләче елда тагын биш колледжга шундый ярдәм күрсәтү бурычы тора.

Елена Хаффазова, Русия Федерациясе Халык мәгарифе һәм фән хезмәткәрләре профсоюзының төбәк бүлекчәсе рәисе:

– Нигездә, Башкортстан Мәгариф һәм фән министрлыгының 2024 елгы йомгаклары буенча эше югары басарга лаек. Күп максатларга өләшелде: белем бирү хезмәтләренең сифатын күтәрү, инновацияләр кертү, матди-техник базаны модернизацияләү. Башкортстан Башлыгы куйган мөһим бурыч – сәләтле укучыларга һәм студентларга булышу. Бу максатта яңа программалар кертелде, нәтиҗәдә төбәк, федераль һәм халыкара кимәлләрдә җиңүчеләр һәм призерлар саны артты. Әлбәттә, төп һәм бердәм дәүләт имтиханнары сөземтәләре, чыгарылышы укучыларының әзерлек кимәлен күтәрү, олимпиадаларда катнашучылар саны белән мактанырга мөмкин. Бирелү, иң мөһиме – инфраструктураны алмаштыру, ә башка – нәтиҗә. Республикабыз Башлыгы Радий Хәбиров ары да үтәлеклер ачык бурычлар куя. Шуңа күрә Башкортстан – лидерлар рәтендә.

Гөлнара КАШАПОВА, район мәгариф идарәсе начальнигы - 2024 елда Илеш районы мәгариф системасында бик күп мөһим эшләр башкарылды. Кайберәүләренә тукталып үтәсем килә:

-Русия Президенты Владимир Путин, Башкортстан Республикасы Башлыгы Радий Хәбиров җитәкчелегендә мәгариф өлкәсенә зур игътибар һәм ярдәм күрсәтелә.

Республика Башлыгы киләсе елдан  Башкортстан  Республикасының авыл җирендә урнашкан гомум белем бирү оешмаларының яшь директорларына грант ярдәме күрсәтү мәсьәләсен конкурс нигезендә эшләргә кушты.
Педагог һөнәренең абруен күтәрү өчен Башкортстан Республикасы Башлыгы гомум белем бирү оешмаларының педагогик хезмәткәрләренә шифаханә-курортта дәвалануга һәм сәламәтләндерүгә ике атналык юлламалар бирү тәкъдимен кертте.

Өченче ел безнең республика «Профессионалитет» федераль проектында актив катнаша. Уку елы башыннан республикада 14 шундый үзәк булачак, ә киләсе елда – 19. Әлеге проект кысаларында  Башкорт аграр-технологик колледжында ветеринария, аш пешерү һәм эретеп ябыштыру  остаханәләре  барлыкка килде.

Безнең  республикада  мәгариф оешмаларына ярдәм итүгә юнәлдерелгән  күп  кенә  төбәк проектлары актив гамәлгә ашырыла, бу капиталь ремонт ясарга гына түгел, биналарның җиһазларын  да  модернизацияләргә мөмкинлек бирә.

«Мәгариф» милли проектының «Һәр  баланың  уңышы»  төбәк проекты һәм дәүләт программасы кысаларында  хәзерге  вакытта Үрмәт авылы мәктәбенең спорт залына ремонт ясала.

2019 елдан башлап 13 муниципаль гомум белем бирү оешмасы базасында санлы, гуманитар, табигый-фәнни, технологик профильле  «Үсеш  ноктасы» үзәкләре  төзелде  һәм  эшләп килә.

Һәр мәктәптә балаларыбызга сыйфатлы белем һәм тәрбия бирү өчен бар шартлар булдырылуы мөһим. Бу юнәлештә хөкүмәтебез тарафыннан белем бирү учреждениеләрен заманча технологияләр белән тулыландыру максатыннан байтак эш башкарыла. Агымдагы уку елында районның дүрт мәктәбе базасында “Заман мәктәбе” милли проекты чикләрендә “Үсеш ноктасы” үзәкләре ачылды. Түбән Яркәйдәге лицейда, Кадер, Аккүз, Рсай урта мәктәпләрендә бу җәһәттән ремонт эшләре башкарылып, куелган таләпләргә туры килерлек итеп кабинетлар җиһазланды, химия, физика, биология фәннәре буенча яңа корылмалар белән тулыландырылды. Бу яңа технологияләр төпле белем бирүгә булышлык итеп, сыйфатын яхшыртыртуга этәргеч булыр.

Өстәмә белем бирү учреждениеләрен ремонтлауга зур игътибар бирелә. Агымдагы елда Балалар иҗат үзәге бинасына капиталь ремонт ясалды. Биредә барлык коммуникацияләр, түбә, фасад алыштырылды һәм эчке эшләр  башкарылды,  заманча җиһазлар сатып алынды.

«Башкортстан Республикасында мәгарифне үстерү» дәүләт программасы кысаларында бассейнга капиталь ремонт ясала. Аның кысаларында түбәләрне, барлык инженерлык коммуникацияләрен  алыштыру,  эчке эшләрне башкару буенча гаять зур эш башкарыла ...