Туган як серләре: район буйлап сәяхәт

Экскурсия маршруты дүрт тарихи авылны үз эченә алды. Сәфәр вакытында балалар Андреевка авылы белән танышты. Балалар өчен мавыктыргыч сәяхәтне Иеромонах Иов (Остапенко) үткәрде. Храм настоятеле православие храмы тарихы турында сөйләде. Ул районның энҗесе һәм бездә даими эшләүче бердәнбер гыйбадәтханә булып санала. Шулай ук музей буйлап экскурсия үткәрде, анда укучылар әлеге авылның экспозицияләре һәм эшчәнлеге белән танышты.

Модельле китапханәнең мавыктыргыч дөньясына китапханәчеләр Людмила Ильинична һәм Лиана Рөстәм кызы озата барды. Биредә балалар «Мәдәният» милли проекты кысаларында булдырылган заманча иҗтимагый киңлек белән танышты.

Сәяхәтне Иске Кыргыз авылында дәвам иттек. Тарих-туган якны өйрәнү музеена бару балалар өчен мавыктыргыч дөньяга әверелде. Ә авыл модельле мәдәният йортында җырлар авторы, аккомпаниатор Ринат Мәҗитов үзенең чыгышы белән куандырды, ул курайдан алып электрогитарага кадәр төрле музыка коралларының яңгырашы белән таныштырды. Шулай ук биредә китапханәдә булдык, анда укучылар курчаклар күргәзмәсе белән танышты.

Сәяхәтне Ябалак авылында дәвам иттек. Балалар өчен Венера Әһлетдинова музей заллары буйлап экскурсия үткәрде. Ябалак авылы тарихы кызыксыну уятты. Укучылар залда республикабызның, районыбызның файдалы казылмалары һәм тау токымнары турында күп кызыклы нәрсәләр белде.

Балалар өчен иң матур урын Петертау археологик һәйкәле булды. Укучылар биредә шәһәрлек атамасының килеп чыгышын ихлас тыңлады.

Бай маршрут ахырында укучылар Уяндык авылындагы «Алая роза»да ял һәм уңайлы шартларда күңелле атмосфера белән ләззәтләнде.

Әлеге экскурсия балалар күңелендә якты вакыйга булып, кече ватанының тарихы һәм мәдәнияте белән якыннан танышырга мөмкинлек биреп калачак.

Фәридә МИҢНЕГОЛОВА, Йонны төп мәктәбе директоры.