Илешлеләр Татарстан дусларын каршы алды

17-18 апрельләрдә Башкортстанда Татарстан көннәре үтә. Ул Республика оешуга 100 ел тулуны бәйрәм итү кысаларында оештырыла. Башкалабызга ут күрше республиканың Актаныш районы муниципаль район хакимияте башлыгы Энгель Фәттахов җитәкчелегендә дә делегация килде.

Илешлеләр актанышлыларны ике тугандаш республика чикләрендә милли киемдә, икмәк-тоз белән каршы алды. Анда муниципаль район хакимияте башлыгы Илдар Мостафин, аның урынбасары Рәмил Хәертдинов, «Илеш районы мәдәният бүлеге» МБУ начальнигы Раил Гомәров катнашты.