Шойгу мобилизация шартларында кемнәрнең хәрби хезмәткә алыначагына ачыклык кертте

Россиядә өлешчә мобилизацияләүгә резервтагы 300 мең кеше эләгәчәк. Эш этаплап башкарылачак, кешеләр аның астына бер үк вакытта эләкмәячәк. Бу хакта гражданнарга мөрәҗәгатендә РФ Саклану министрлыгы башлыгы Сергей Шойгу игълан итте. Министр билгеләп үткәнчә, Украинада бара торган махсус хәрби операциядә катнашырга запаста булганнар, хәрби тәҗрибәсе булганнар, армия өчен кирәкле булган хәрби-учет һөнәр ияләре чакырылачак. Студентларны мобилизацияләү хакында сүз бармый, дип аңлатты.