2022 елда легендар якташыбыз, ике тапкыр Советлар Союзы Герое Муса Гайса улы Гәрәевның 100 еллыгы билгеләп үтелде

Районда геройның гасырлык юбилеена багышланган зур чаралар узды. 8 июльдә Муса Гайса улының туган төбәгендә үткәрелгән сабантуй илешлеләр һәм кунаклар хәтерендә озак сакланачак. Шул ук көнне яңартылган музейлар үз ишекләрен ачты. "Мәдәният" милли проекты кысаларында гомуми суммасы 10 млн. 332 мең сумга Югары Яркәй авылындагы музейга һәм Ташчишмә авылындагы филиалга капиталь ремонт ясалды, янындагы территорияне төзекләндерү һәм юл төзелеше буенча зур эш башкарылды.

Республика ярдәме белән геройның кече ватанында 10,75 км юл ремонтланды, 60 млн. сумга «Милләтнең иҗади потенциалы өчен шартлар тудыру («иҗат кешеләре»)төбәк проектының  «Мәдәният» милли проекты кысаларында Бишкурай авылы модельле китапханәсенә 119 мең сумлык дәүләт ярдәме бүлеп бирелде.

Музей фотолары: ilishkultura