Башкортстанда СВО-да катнашу өчен ике яңа ирекле батальон төзелә

Башинформ агентларына билгеле булганча, аларның берсе Даян Муртазин исемен йөртәчәк, икенчесе "Төньяк Амур"дип аталачак. Сугыш хәрәкәтләре ветераны, ирекле батальоннар формалаштыру штабы начальнигы Борис Гордеев әйтүенчә, Төньяк Амур батальонына 50 яшькә кадәрге барлык теләүчеләр керәчәк, алар Росгвардия составындагы махсус операциядә катнашачак. Даян Мурзин исемендәге батальон 50 яшьтән өлкәнрәк ир-атларны кабул итәргә әзер.

Әлегә отрядларга керергә  теләүчеләр 30дан артык кеше мөрәҗәгать иткән.

Борис Гордеев билгеләп үткәнчә, батальонга сугыш тәҗрибәсе булган медицина хезмәткәрләрен генә түгел, хөкем ителгән ир-атларны да кабул итәргә әзер.