Вакыйгаларга бай булды

Югары Яркәйдәге Т.Рахманов ис.урта мәктәптә  «Кояшкай» көндезге җәйге лагерында 143 кыз һәм малай үз каникулларының бер өлешен яшьтәшләре белән күңелле һәм иркен шартларда үткәрде. Мәктәп яны лагереның барлык тәрбиячеләре һәм вожатыйлары күпчелек балаларның үзенчәлекләрен белә. Быел отрядларда эшләү өчен 24 педагог җәлеп ителде.  Лагерьның төп максаты - балаларны күңел ачтыру һәм сәламәтләндерү. Сәламәтлек өчен тулы туклану да, хәрәкәт тә, ял итү дә, психоэмоциональ уңайлылык та мөһим.  Эш чара планы нигезендә төзелгән көн тәртибе буенча 6 отрядта алып барылды.

  Укучыларның тормышы вакыйгалар бай һәм очрашулар белән тулы булды.   Һәр көннең үз тематикасы бар иде: «Танышу көне», «Дуслар көне», «Нептун көне», «Тирә-яктагы мохитне саклау көне», «Светофор фәннәре көне», «Уеннар һәм күңел ачулар көне» һ. б.. Һәр чара кызыклы һәм төрле формаларда, барлык балаларның  активлыгында үткәрелде.

   Ачык һавада хәрәкәтле уеннар гомумән организмга, баланың физик һәм психик сәламәтлегенә файдалы йогынты ясый, шуңа күрә алар безнең лагерьда көн саен үткәрелде. Һәр көн стадионда сәламәтләндерү гимнастикасы белән башланды, физик әзерлек җитәкчесе С.Хөснетдинов график буенча сишәмбе, чәршәмбе һәм пәнҗешәмбе көннәрендә балалар бассейнга йөртте.

   Балаларның канәгать йөзләрен күрү - педагог өчен иң яхшы бүләк. Көндезге лагерь сабыйлар күңелендә озак сакланыр.

Любовь Шәрифуллина, Мәктәп янындагы “Кояш” көндезге лагерь начальнигы.