Медицина ярдәме күрсәтү сыйфаты яхшыра

2023 елның 9 аенда профилактик медицина тикшерүләрен-8705, диспансерлаштыруның 2нче этабын 1769 кеше узды. Беренче тапкыр авыру 2523 кешедә ачыкланды, шул исәптән яман шешләр - 6 (4се иртә стадияләрдә), шикәр диабеты -16, кан әйләнеше системасы авырулары -366, хроник сулыш ор-ганнары авырулары -27, ашказаны җәрәхәте 4 очрак.

Демографик күрсәткечләргә килгәндә, соңгы 10 елда районда халыкның даими табигый кими баруы билгеләнә, ягъни үлүчеләр саны туучылар саныннан өстенрәк. 2023 елның 9 аенда районда 160 бала дөньяга килгән (2022 елга караганда 17 балага кимрәк), 267 кеше дөньядан киткән (-89). Үлем структурасында төп сәбәпләр булып кан әйләнеше системасы авырулары, яман шеш һәм сулыш органнары авырулары тора. Эшкә яраклы  яшьтәгеләр үлеменең төп сәбәпләре булып тышкы сәбәпләр һәм кан әйләнеше системасы авырулары тора.

21 августтан 1 сентябрьгә кадәр “Сәламәт республика - сәламәт төбәк” акциясе уздырылып, Үрмәт, Тыпый, Исанбай, Аккүз, Груздевка авылларында Нефтекама маршруты буенча Автопоезд составында 4 модуль: Нефтекама шәһәренең мобиль сәламәтлек үзәге, күчмә маммограф, күчмә флюорограф һәм күчмә ФАП эшләде. Акциядә шулай ук район үзәк дәваханәсе табиблары да катнашты. 1400дән артык кеше тикшерү узып, белгечләрдән консультацияләр алды, ЭКГ һәм УЗИ тикшерүләр үтте, кандагы шикәр, холестерин дәрәҗәсен һ.б. билгели алды.

2023 елның августында Үрмәт авылында яңа фельдшер-акушерлык пункты ачылды. ФАП бинасы барлык кирәкле коммуникацияләргә тоташтырылган, заманча стандартлар һәм таләпләргә туры китереп җиһазландырылган. Кабинетларда кирәкле аппаратура у р н а ш т ы р ы л га н , ш ул исәптән беренче медицина ярдәме күрсәтү, халыкны иммунизацияләү һәм анализлар алу өчен, шулай ук медицина персоналының сыйфатлы эшен тәэмин итү өчен кирәкле яңа медицина җиһазлары һәм компьютер техникасы бар.

Апрель аенда безнең учреждение ультратавыш тикшерү аппаратларын яңартты. Поликлиникага 2 яңа “УЗИ-ЭЛЕКТРОН” ультратавыш диагностикасы аппараты кайтты. Медицина җиһазлары дөнья стандартларына тулысынча туры килә, бу кыска вакыт эчендә тикшеренүләрне башкарырга мөмкинлек бирә, шул ук вакытта халыкка медицина ярдәме күрсәтү сыйфатын югалтмый. УЗИ-аппаратлар заманча датчиклар белән җиһазландырылган, алар медицина сурәтенең югары сыйфатын тәэмин итә һәм авыруларны иртә стадиядә ачыкларга мөмкинлек бирә. Шулай ук югары ешлыклы электрохирургия ЭХЧВ-300 “ЭлеПС” аппараты кайтты, ул кеше организмының йомшак тукымаларын операция бүлекчәләрендә югары ешлыклы ток белән кисү, биполяр һәм монополяр коагуляцияләү өчен билгеләнгән.

Май аенда эндоскопик т и к ш ер е н ү л ә р ө ч е н PENTAX видеоколоноскобы сатып алынды, ул өлкәннәр һәм балалар өчен билгеләнгән, тикшеренүче ө л к ә л ә р н е я к т ы р т у астында визуальләштерә һәм сурәтләрне видеомониторга тапшыра.

Республика башлыгы Радий Хәбиров LADA NIVA базасындагы 56 яңа автомобиль ачкычын республиканың медицина оешмалары вәкилләренә, шул исәптән район үзәк дәваханәсе өчен дә тапшырды. Автомобиль халыкка медицина ярдәме күрсәтү өчен исәпләнгән, шул исәптән барып җитү авыр булган җирләрдә һәм катлаулы юл шартларында.

Диспансеризация узу өчен 65 яшьтән өлкәнрәк кешеләрне безнең учреждениегә йөртү дүртенче ел дәвам итә. Чара «Демография» милли проектына кергән «Өлкән буын» төбәк проекты кысаларында үткәрелә. Аның күрсәткечләренең берсе-эшкә яраклы яшьтән өлкәнрәк гражданнарны профилактик тикшерүләр, шул исәптән диспансерлаштыру белән тәэмин итү. Диспансерлаштыру һәм өстәмә скрининглар өлкән буынның гомер озынлыгын арттыруга, актив озын гомерлелекне саклауга юнәлдерелгән. Мәсәлән, агымдагы елның 9 аенда эшкә яраклы яшьтән өлкәнрәк 93 кеше дәваханәгә фельдшерлар озата баруында профилактик чаралар үткәрү өчен китерелгән.

Гөлназ НУРЫЕВА, район үзәк дәваханәсенең медицина статистикасы кабинеты мөдире.