Җәмгыятебез иминлеге – безнең кулда

Полициянең һәр бүлеге дежур частьтән башлана. Еш кына җинаятьләрне оператив ачу һәм күпмедер дәрәҗәдә кешенең сәламәтлеге, ә кайчак хәтта тормышы да дежур часте хезмәткәрләренең компетентлыгына һәм тиз җавап бирүенә бәйле. Шуңа күрә биредә эш бик җаваплы һәм аерым игътибар таләп итә. Аерым очракта дежур торучыларга психолог та, шулай ук коммуникатив сыйфатларга ия булырга кирәк. Аларга мөрәҗәгать иткән кешедән ниндидер беренче мәгълүмат алырга гына түгел, ә алдагы гамәлләр турында карар кабул итеп, кылынган җинаятьнең мөһим фактларын һәм детальләрен сайлап алырга тиеш. Җаваплы хезмәткәрләр оператив дежурлар – полициянең подполковнигы Илнур Гәрәев, полиция капитаннары Илнар Шәрипов, Айрат Мортазин, дежур ярдәмчесе – полиция старшинасы Гөлшат Кәбирова куелган бурычларны лаеклы үти.

Участок уполномоченные халык өчен иң якын хокук тәртибе һәм власть органнары вәкиле булып торды. Алар һәрвакыт изгелекне якларга һәм явызлыкка җәза бирергә омтыла, ярдәмгә килергә әзер. Һәр дәвердә бу хезмәт - авыр һәм мәшакәтьле. Участок уполномоченныйлары вакыйгаларның үзәгендә кайный, халык белән ешрак аралаша. Әлеге бүлек хезмәткәрләренең эше бик җаваплы һәм катлаулы - халыкка юридик ярдәм күрсәтү, административ хокук бозуларга һәм җинаятьләргә юл куймау, балигъ булмаганнар белән эшләү һ.б. Төрле мәдәни-массакүләм чаралар үткәргәндә тәртип булдыру да алар иңендә. Аларның хезмәте һәрвакыт хәвефле, даими рәвештә игътибар таләп итә. Участок уполномоченныйлары вакыт белән исәпләшми, бәйрәм һәм ял көннәрендә үзләренең бурычларын намус белән үти.

Русия Эчке эшләр министрлыгының Илеш районы буенча бүлегендә участок уполномоченныйларының бердәм коллективы тупланган, тәҗрибәле өлкән хезмәткәрләр һәрвакыт яшьләргә төпле киңәшләрен бирә. Бу җәһәттән полиция майоры Радик Мостафин, полиция капитаннары Тәлгать Биктимеров, Ришат Шәгалиев, Илнур Мөхәммәтов белән хаклы горурлана алабыз.

Җинаятьчелеккә каршы көрәшнең беренче планында һәрвакыт җинаятьчеләрне эзләү хезмәткәрләре тора. Аларның төп бурычы – җинаятьләрне ачу. Алар гомерләренә куркыныч янаган иң катлаулы хәлләрдә дә югалып калмый, бурычларын намус белән үти. Җинаять  челәрне эзләү бүлегендә начальник, полиция майоры Азамат Зариповның сизгер җитәкчелеге астында үз һөнәрләренә һәм принципларына тугры булган полиция майоры Ленар Сәетгәрәев, полиция капитаны Рөстәм Әхмәтов, полициянең өлкән лейтенанты Айнур Мәрдиев хезмәт итә.

Икътисади хәвефсезлек һәм коррупциягә каршы тору подразделениеләре - җитештерүчеләр һәм милекчеләр криминалитетыннан ышанычлы яклауны тәэмин итү, бюджет акчаларын урлауга юл куймау, финанс-хуҗалык һәм икътисади юнәлештәге вазыйфалы җинаятьләр белән көрәш төп бурычы.

Икътисадта җинаять кылу факты анык түгел. Һәр ачыш артында җитди икътисади анализ һәм тикшерелгән исәп-хисап тора. Бу хезмәт зур профессиональлек һәм сабырлык таләп итә. Икътисади хәвефсезлек һәм коррупциягә каршы тору юнәлешендәге бүлек хезмәткәрләре, полиция майоры Алмаз Асылгәрәев һәм полиция капитаны Рифат Мортазин икътисади җинаятьләргә каршы көрәштә үз өлешен лаеклы кертә.

Гаделлек, принципиальлек, объективлык, законны катгый үтәү һәрвакыт тикшерүчеләрнең һәм сорау алучы дознавательләрнең һөнәри әхлак нигезе булып тора. Алар конкрет эшнең бар нечкәлекләрен тикшереп кенә калмыйча, дөреслекне яклый, гаеплеләргә җәза бирүне таләп итә, җинаять нәтиҗәсендә зыян күргәннәрне яклаша. Җинаятьләрне тикшерү - ул тырыш һәм акыл ягыннан авыр хезмәт. Бу эшне тикшерү төркеме һәм бүлеге хезмәткәрләре лаеклы һәм намуслы башкара. Юстиция майоры Салават Әхмәтшин, юстиция капитаны Динар Нуриәхмәтов, полиция капитаны Эльнара Саттарова адресына тик мактау сүзләре җиткерәсе килә. Алар үзләренең бурычларына җаваплы карый.

Конвой хезмәтендә иң көчле һәм психологик яктан чыдам белгечләр эшли. Аларның төп бурычы – шик астындагы һәм җинаять кылуда гаепләнүчеләрне ышанычлы саклауны тәэмин итү. Үзләренең хезмәт бурычларын уңышлы башкару өчен саклау-конвой подразделениесе хезмәткәрләренә катлаулы хәлләрдә дөрес карар кабул итәргә, шул ук вакытта закон таләпләрен төгәл үтәп, кыюлык, тапкырлык һәм тәвәкәллек күрсәтергә кирәк. Полиция прапорщигы Флорит Дәүләтбаев һәм полициянең өлкән сержанты Динислам Шакиров нәкъ шундый хезмәткәрләрдән санала.

ЮХХДИ инспекторларының хезмәтен бәяләп бетергесез, чөнки алар водительләрнең һәм җәяүлеләрнең юл хәрәкәте кагыйдәләрен үтәвен күзәтчелек итә, җинаятьчеләрне һәм башка хокук бозучыларны ачыклый. Оператив хезмәт эшчәнлегендә их яхшы нәтиҗәләргә ирешкән юл-патруль хезмәте инспекторлары, полиция лейтенантлары Азамат Бәдретдиновны, Роберт Закировны, полициянең өлкән лейтенанты Илнар Нурисламовны, полиция лейтенанты Нияз Зариповны аерым билгеләп үтәсем килә.

Полиция бүлеге төрле подразделениеләрне берләштерә, әмма иң яше – миграция мәсьәләләре буенча бүлекчә, яки халык аны паспорт өстәле дип атарга гадәтләнгән. РФ һәм чит ил паспортларын рәсмиләштерү һәм бирү, РФ гражданнарын һәм чит ил кешеләрен исәпкә кую, шулай ук дәүләт хезмәтләре күрсәтү белән беррәттән, миграция законнары үтәлешен контрольдә тоту аерым урын алып тора, алар барысын уңышлы башкара. Миграция  хезмәте хезмәткәрләре үзләренә йөкләнгән бурычларны югары һөнәри дәрәҗәдә хәл итә. Бу җәһәттән үз эшенең профессионалларын - миграция мәсьәләләре бүлеге начальнигы полиция майоры Фәнә Хәсәншина, инспектор Раушания Шәйхлисламова адресына тик мактау сүзләре юллыйм.

Хуҗалык, социаль-көнкүреш, матди-техник тәэмин итүне, кандидатларны сайлау һәм әзерләүне гамәлгә ашыручы эчке хезмәт – штабның, кадрлар һәм тыл подразделениесенең хезмәткәрләренә рәхмәт белдерәсем килә. Штаб начальнигы, эчке хезмәт майоры Гөлназ Баязитова, шәхси состав белән эшләү төркеме белгече Ирина Госманова, ирекле хезмәткәрләребез Зилә Фәхруллина, Юлия Ризванова, Лениза Ханова һәм Рәмзия Латыйпованың һөнәри эшчәнлеге эчке эшләр органнарының хәрби һәм оператив әзерлегенә, куелган бурычларны үтәүгә зур йогынты ясый.

Бүлекнең матди-техник базасын ныгытуда тыл начальнигы, эчке хезмәт лейтенанты Фәрит Баязитов бәяләп бетергесез ярдәм күрсәтә.

Шулай ук бу көнне ветераннарыбызга ихлас һәм тирән рәхмәтемне белдерәсем килә. Безнең ветераннар – Эчке эшләр органнарының алтын фонды. Алар җитди тормыш мәктәбен үтеп, зур тәҗрибәгә, югары һөнәри осталыкка ия булды. Бүген алар яшь хезмәткәрләрне тәрбияләүгә зур өлеш кертә, җәмәгать тормышында һәм бүлекнең эшчәнлегендә актив катнаша. Хөрмәтле ветераннар,  сезнең тәҗрибәгез, бурычыгызга тугрылыгыгыз һәм традицияләргә сакчыл карашыгыз безнең өчен бәяләп бетергесез. Бигрәк тә бүлекнең көндәлек тормышында актив катнашкан ветераннарыбыз районыбызның Почетлы гражданины, отставкадагы милиция полковнигы Гамил Шәйхезаман улын, отставкадагы милиция майорлары Рәлиф Габдрахман улын һәм Рәфгат Рәмзин улын бил-геләп үтәсем килә.

Бүгенге катлаулы тормыш шартларында зур җавап-лылык белән үз эшен башкаручы хезмәткәрләр адресына котлау сүзләре җиткерәм. Киләчәккә өмет һәм оптимизм белән яшик, безгә йөкләнгән бурычларны намус белән үтик, эчке эшләр органнары хезмәткәре намусын тапламыйк, чөнки җәмгыятебезнең иминлеге – безнең кулда. Барыгызга да сәламәтлек, гаилә иминлеге, эшегездә уңышлар телим.

Айдар  ЙОСЫПОВ, Рф Эчке эшләр министрлыгының Илеш районы буенча бүлек начальнигы, полиция подполковнигы.