Сыйфатка эшлибез

Хуҗалыгыбыз бөртекле культураларның оригиналь һәм элиталы орлыкларын җитештерүгә махсуслашкан. Предприятиедә 12 кеше эшли. Барлыгы 1220 гектар сөренте җир бар. Быел басуларда үрчетү өчен язгы бодайның - Ульяновская-105, Хазина, Никон, 100 лет ТАССР, арпаның - Тевкеч, Памяти Чепелева, карабодайның - Яшьлек, Землячка, солының - Всадник, Драгун, сояның Артика, Дока сортлары игелде.

Уңышларга ирешү өчен дәүләт реестрына кертелгән орлыклар булу мөһим. Шуңа күрә БР фәнни-тикшеренү институтлары белән килешү буенча эшлибез. Алар, үз чиратында, сынауга яңа перспектив линияләр һәм сортлар тәкъдим итә. Агымдагы елда бөртеклеләрдән 16 ц тулай җыем алдык.

Техника паркы яңа “Күзбасс” чәчү комлексы һәм “К-739” тракторы белән тулыландырылды.