Хезмәт итәргә чакырабыз

Югары һәм урта махсус белемле яшьләр өлкән һәм урта җитәкчеләр составына - полиция участок вәкаләтлеләренә, юл-транспорт һәлакәтләре инспекторларына, җинаятьчеләрне эзләү оперуполномоченныйларына, шулай ук икътисади җинаятьләргә каршы көрәш бүлекчәләренә, урта гомум белемле кече җитәкчеләр составына дәгъва итә ала.

Эчке эшләр органнары хезмәткәрләренә социаль гарантияләр:

Хезмәткәрнең эш хакы алмаштырыла торган вазифа, махсус дәрәҗә окладыннан тора һәм хезмәт үтә торган бүлекчәгә бәйле рәвештә ай саен өстәмәләр билгеләнә.

Хезмәткәргә вакытлыча эшкә яраксызлык чорында тулы күләмдә акчалата тәэмин итү түләнә.

Хезмәт бурычларын намус белән үтәгән, дәүләт серен тәшкил итүче мәгълүматлар белән эшләгән, хезмәт стажы, махсус хезмәт шартлары, квалификация дәрәҗәсе, хезмәттә аерым казанышлар өчен бүләкләү түләүләре, тыныч вакытта тормыш һәм сәламәтлек өчен куркыныч белән турыдан-туры бәйле бурычларны үтәгән өчен матди ярдәм күрсәтелә.

Ел саен акчалата тәэмин ителешне саклап, 40 көннән дә ким булмаган ял бирелә (өстәмә ял: хезмәт стажы һәм нормалаштырылмаган хезмәт көне өчен, укучылар ялы һәм шәхси шартлар буенча ял).

Төп ялны үткәрү урынына бару һәм кире кайту өчен Русия Федерациясе территориясендә елына бер тапкыр хезмәткәргә, шулай ук аның гаилә әгъзаларының берсенә һава, тимер юл, су һәм автомобиль транспорты белән йөрү бәясе түләнә.

Бушлай медицина тәэмин ителеше бирелә, ведомство пансионатларында һәм шифаханәләрен-дә шифаханә-курорт дәвалануы һәм сәламәтләндерү ялы мөмкинлеге бар.

Эчке эшләр органнарында 10 елдан да ким булмаган хезмәт стажы булган хезмәткәр торак бина сатып алу яки төзү өчен бер тапкыр бирелә торган социаль түләүгә хокуклы.

Эштән азат ителгәндә 2 хезмәт хакы күләмендә 20 ел һәм аннан да күбрәк хезмәт иткән хезмәткәрләргә 7 оклад күләмендә бер тапкыр бирелә торган пособие түләнә.

Эшкә урнашу мәсьәләләре буенча Югары Яркәй авылы, Совет урамы, 33 йорт адресы буенча район эчке эшләр бүлегенә мөрәҗәгать итәргә яки 8 (34762) 5-19-13, 8-999-742-66-45, 8-917- 420-23-16 телефоннары аша шалтыратырга мөмкин.

Район эчке эшләр бүлеге.