+21 °С
Болытлы
җәмгыять
25 апрель 2024, 06:50
Медицина хезмәткәрләре махсус социаль түләү алачак
Русия Президенты кушуы буенча 2024 елның мартыннан авыл биләмәләрендә, район үзәкләрендә һәм кече шәһәрләрдә эшләүче медицина хезмәткәрләре өчен айлык социаль түләүләр күләме арттырылды.
2023 елда Русия Социаль фондының Башкортстан Республикасы буенча бүлеге республиканың 24 мең медицина хезмәткәренә 2 миллиард сумнан артык суммага махсус социаль түләү билгеләде. Узган елның гыйнварыннан Русия Хөкүмәте тарафыннан билгеләнгән ярдәм чарасы илнең барлык төбәкләрендәге сәламәтлек саклау белгечләренә актив күчерелә.
Махсус социаль түләү беренчел сәламәтлек саклау звеносы, район үзәк һәм участок дәваханәләре, шәһәр дәваханәләре медицина хезмәткәрләренә, шулай ук станция һәм ашыгыч ярдәм бүлекчәләре хезмәткәрләренә бирелә. Билгеләнгән акчаларның күләме белгеч категориясенә һәм оешманың төренә бәйле.
Мәсәлән, 50 меңнән әзрәк кеше яшәгән торак пунктларда урнашкан район һәм участок дәваханәләре, поликлиникалар һәм башка беренчел звено учреждениеләре табиблары өчен социаль түләү күләме 50 мең сумга кадәр арткан. Шул ук вакытта урта медицина персоналы өчен түләү 30 мең сумга кадәр арттырыла.
50 меңнән 100 меңгә кадәр кеше яшәгән торак пунктларда эшләүче табиблар өчен түләү 29 мең сум тәшкил итәчәк. Урта медицина персоналы өчен-13 мең сум.
Русиянең социаль фонды түләү операторы булып тора. Һәр ай нәтиҗәләре буенча медицина учреждениеләре махсус социаль түләүләр алу хокукына ия булган хезмәткәрләрнең электрон реестрын төзиләр һәм бу мәгълүматны Социаль фондка тапшыралар. Акчалар медицина оешмалары мәгълүматлары нигезендә алынган көннән алып 7 эш көне дәвамында күчерелә.
Социаль түләүләр мәсьәләләре буенча дистанцион консультацияләрне 8-800-100-00-01 номеры буенча (бушлай шалтырату) Бердәм контакт-үзәктә алырга мөмкин.
Пенсия һәм социаль иминият фонды бүлекчәсе.
