Тәрбия эшендә бердәмлек көчле

Балаларны яклау көне күңелле бәйрәм генә түгел, бу җәмгыятькә аларның бәхетле булып үсүе, укуы, яраткан эше белән шөгыльләнүе һәм киләчәктә үз илләренең искиткеч әти-әниләре һәм гражданнары булулары өчен бала хокукларын яклау кирәклеге турында искәртү дә. Аларның гомерен, сәламәтлеген һәм хокукларын яклау - тәрбиячеләребезнең һәм шәфкать туташларыбызның төп бурычларының берсе. Безнең бурыч - балалар һәм яшүсмерләрнең һәрьяклап үсеше өчен кирәкле шартлар тудыру, аларга үз-үзләренә ышанырга ярдәм итү һәм үз сәләтләрен тормышка ашырырга мөмкинлек бирү. Бездә тәрбияләнүчеләр район, зона, бөтенрусия конкурсларында актив катнаша, призлы урыннар яулый.

Социаль приютның төп максатлары - авыр тормыш хәлендә калган балигъ булмаганнарга ашыгыч социаль ярдәм күрсәтү, туган гаиләләренә кайту, дәүләт ярдәменә мохтаҗ балаларның хокукларын һәм законлы мәнфәгатьләрен яклауны тәэмин итү тора. Әлеге максатка ирешүнең төп шарты булып приютта тәрбияләнүчеләр белән социаль-реабилитация эшенең дөрес оештырылган системасы тора. Ул үз эченә берничә эшчәнлек юнәлешен ала - балаларны гражданлык-патриотик һәм әхлакый тәрбияләү, танып белү эшчәнлеген үстерү, әхлакый үсешне һәм тәртипне төзәтү, эмоциональ эшчәнлекне, хезмәт күнекмәләрен үстерү, сәнгать-эстетик үсеш, формалашкан тәрбия киңлеген саклау һәм киңәйтү, физкультура-сәламәтләндерү юнәлеше, шәхесләр арасындагы мөнәсәбәтләрне җайга салу, традицияләрне саклау һәм үстерү, эшчәнлекне үстерү.

Бу көнне традицион рәвештә акцияләр үткәрелә, инвалид балаларга һәм ятимнәргә игътибар арта. Гадәттә, барлык теләүчеләр һәм даими волонтерлар безгә бүләкләр алып килә һәм балалар катнашлыгындагы концертларны карый.

Агымдагы елда да районда балалар һәм яшүсмерләр өчен социаль приют бүлеге тәрбияләнүчеләре игътибарсыз калмады. Безгә кунакка Русия Эчке эшләр министрлыгының Илеш районы буенча бүлеге хезмәткәрләре, Андреевка авылындагы «Лукойл-транс» җәмгыяте һәм районның битараф булмаган гражданнары килде. «Балачак – иң яхшы планета» бәйрәм программасы оештырылып, чарадан өлкәннәр дә, балалар да канәгать калды.

Балаларга бәйрәм ошады, алар татлы ризыклар, тәмле туңдырма, истәлекле призлар, исемле бүләкләр алды, күңелләре җәйге ял кәефе белән тулыландырылды.

Балаларыбыз мәхәббәт, кайгырту һәм игътибар атмосферасы белән чолганып алынсын, алар имин социаль мохиттә укысыннар һәм тәрбияләнсеннәр, акыллы, сәламәт, җаваплы кешеләр, Ватаныбызның чын гражданнары булсын өчен без барысын да эшли алабыз, дип ышанам.

Ризидә ГЫЙЗЗӘТУЛЛИНА, бүлек мөдире.