Бәйрәм котлавы

Хөрмәтле социаль өлкә хезмәткәрләре! Сезне муниципаль район хакимияте һәм үземнең исемнән һөнәри бәйрәмегез – Социаль хезмәткәр көне уңаеннан котлыйм. Республикада, районда инвалидларга, караучысыз һәм авыр тормыш хәлендә калган өлкәннәргә, балаларга, күп балалы гаиләләргә зур ярдәм күрсәтелә. Сез, изгелекле һөнәр кешеләре буларак, бурычыгызга җаваплы карап, шушы юнәлештәге карарларны, социаль программаларны тормышка ашыруга лаеклы өлеш кертәсез, Хөкүмәт сәясәтенең уңышлы тормышка ашырылуын тәэмин итәсез. Социаль тәгаенләнештәге учреждениеләрнең матди базасының яхшыруы – эшчәнлегегезгә игътибар, хезмәтегездән файдаланучыларга хөрмәт, хәстәрлек билгесе булып тора. Социаль ярдәм алучылар изге эшегез өчен сезгә зур рәхмәтле. Бәйрәмегез белән тәбрикләп, уңышлар, сәламәтлек, гаилә бәхете һәм киләчәктә дә һөнәрегезгә тугры хезмәт итүегезне телим. Илдар МОСТАФИН, муниципаль район хакимияте башлыгы.

Бәйрәм котлавы