Мошенниклар тозагына капмагыз!

Шәхси санлы хәвефсезлек кагыйдәләрен үтәгез: электрон почта аша, СМС-хәбәрләрдә, мессенджерларда яки социаль челтәрләрдә алынган шикле сылтамаларга кермәгез; банк белән банк картасының арткы ягында яки банкның рәсми сайтында күрсәтелгән рәсми телефоннар буенча гына элемтәгә чыгыгыз; банкка кәрәзле телефон номерын алыштыру турында һәм мобиль җайланманы югалткан очракта хәбәр итегез, чөнки сезнең мәгълүматлар мошенникларга эләгергә мөмкин. Әгәр дә сезнең шәхси яки банк мәгълүматлары чит кешегә эләккән дип шикләнсәгез, банкка шунда ук бу турыда хәбәр итәргә, «Мобильный банк» һәм «Интернет-банк» өчен логин, пароль һәм ПИН-кодны үзгәртергә кирәк. WI-FI челтәренең иҗтимагый тоташтырулары аша «Интернет-банк» шәхси кабинетына кермәгез. Браузерда парольләрне саклап калу функциясен кулланмагыз.

Картага ПИН-код; CVV/CVC-код (картаның арт-кы ягында өч урынлы номер); СМС-хәбәрләрдән раслау кодларын; логин, пароль һәм «мобиль банк», «Интернет-банк»ка керү өчен ПИН-кодны беркайчан да беркемгә дә әйтмәгез һәм беркайда да язмагыз. Банк хезмәткәрләре беркайчан да картаның тулы номерын сорамый.

Күчерү ярдәмендә түләү алу өчен җибәрүчегә телефон номерын атау да җитә. 

3-D Secure куркынычсыз түләү протоколын кулланган онлайн кибетләрдә сатып алганда, сез махсус 3-D пароль белән операцияне расларга тиеш. Бу бер тапкыр бирелгән пароль SMS аша кәрәзле телефон номерына җибәрелә, ул банк картасына «бәйләнгән». СМС хәбәр паролен беркемгә дә әйтмәгез.

Мошенниклар хатлар, хәбәрләр җибәрәләр яки социаль челтәрләргә реклама урнаштыралар, аларның барысы да чын рәсми битләргә охшаган ялган сайтларга китерә. Шуның өчен уяу булыгыз һәм тәкъдимнәрне үтәгез: боерык сызыгында адресның язылышын тикшерегез, «Сертификат ышанычлы түгел» / «Сезнең тоташу сакланмый» дигән кисәтүне күрсәгез, мәгълүмат кертмәгез.

Телефон экранына килә торган шалтырату номерын алыштыру технологияләре бар. Килгән шалтыратуны банк хезмәткәре ясаганына шикләнсәгез, сөйләшүне туктатыгыз һәм банк картасы артында якибанкның рәсми сайтында күрсәтелгән рәсми телефон номерларына шалтыратыгыз.

Россельхозбанк акционерлык җәмгыятенең рәсми телефон номеры: 8 (800) 100-01-00. Игътибар итегез, күрсәтелгән номер килүче шалтыратуларны кабул итү өчен генә, аннан SMS җибәрелми.

Беркайчан да PIN кодыгызны, CVV / CVC кодыгызны (картаның артындагы өч санлы номер), SMS хәбәрләреннән раслау кодларын яки Мобиль Банкка яки Интернет-Банкка керү паролен әйтмәгез. Банк хезмәткәрләре беркайчан да бүтән кешеләрнең карточкаларына, счетларына яки кәрәзле телефон номерларына акча күчерүне таләп итми.

Мошенниклар тозагына эләгүдән сак булыгыз, телефон аша шикле кешеләр шалтыратса, иң элек мәгълүматның дөреслеген тикшерегез.

Алексей Самсонов, Россельхозбанкның Башкортстан филиалы директоры.