80 яшьтән соң – югары пенсиягә

Аңа беркетелгән түләү - аның суммасы дәүләт тарафыннан билгеләнә торган гарантияләнгән өлеше, ул эш стажына, хезмәт хакы күләменә яки индивидуаль пенсия коэффициентына бәйлетүгел. 2024 елда билгеләнгән түләү күләме 8134 сум тәшкил итә. Пенсионер 80 яшькә җиткәч, аның пенсиясенең нәкъ менә шушы өлеше икеләтә арта — 16 269 сумга кадәр.

Шунысын да билгеләп үтәргә кирәк, бу күрсәткеч картлык буенча иминият пенсиясен алучыларга гына кагыла. Социаль пенсияләр, туендыручысын югалту һәм закон буенча инвалидлык буенча пенсияләр алучылар бу өтәмәгә дәгъва итә алмый. Инвалидлыкның беренче төркеме булган республикада яшәүчеләр инвалидлык билгеләнгәннән бирле һәм яшьләренә карамастан икеләтә билгеләнгән түләү ала, шуңа күрә 80 яшьтән соң аларның пен-сияләре элеккечә кала. 80 яшьтән соң билгеләнгән түләү күләмен арттыру гаризасыз башкарыла. Пенсионерга бернинди гариза, документлар бирергә яки бүлеккә клиент хезмәтләренә мөрәҗәгать итәргә кирәкми. Югары фиксацияләнгән өлеш белән беренче түләү пенсионерга 80 яшь тулганнан соң киләсе айда килә, ә арттыру үзе туган көннән билгеләнә.

Пенсияләрне түләү мәсьәләләре буенча өстәмә мәгълүматны Русия социаль фондының Башкортстан Республикасы буенча бүлегенең бердәм контакт-үзәге телефоны аша алырга мөмкин: 8-800-100-00-01 (дүшәмбе 09:00 дән 18:00 гә кадәр, пт. 09: 00 дән 16:45 кә кадәр).