+22 °С
Яңгыр
җәмгыять
4 октябрь 2024, 04:35
Су белән проблема булмас
Ябалак авылында су белән тәэмин итү мәсьәләсе хәл ителде. Суүткәрү системасының басымы начар һәм су колонкаларга өзеклекләр белән килә. Бу этапта проблеманы хәл итү бары тик Урындагы инициативаларны яклау республика программасында катнашып кына мөмкин булачак.
Су белән проблема булмас
Авылның активы, халык катнашлыгында җыен барышында эшләнәсе объект билгеләнде. Бертавыштан авылда скважина бораулап су туплау җайланмасын капиталь ремонтлау турында карарга килделәр. Арытабан авыл халкы проектны финанслауда үз өлешләрен кертү суммасын билгеләде, эшне оештыру һәм үткәрү өчен инициатив төркем сайлады.
Нәтиҗәдә, Ябалакта су чыганагына 100 метр тирәнлектә скважина чокылып, торбалар сузылды. Хәзер халык өзлексез рәвештә су белән тәэмин ителә.
Бу уңайдан оештырылган чарада һәр эшне башлап йөрүче активчылар – авыл старостасы Наилә Курятенкога, аның алыштыргысыз ярдәмчеләре Лариса Борхановага, Гөлшат Зиннәтовага, Эльвира Галимовага, Айдар Галимовка, Фәнит Нурисламовка, Камил Галиуллинга авыл биләмәсе хакимиятенең Почет грамоталары тапшырылды.
Җәйге чорда, аеруча корылык елларында, суүткәргеч белән проблема килеп туарга мөмкин. Проект буенча резерв скважинасын бораулау эше тормышка ашса, су белән тәэмин итүдә кынлыклар булмас, дип ышанабыз.
Гүзәл ФӘТХУЛЛИНА.
Су белән проблема булмас
