Яктылык кайтаргычлар кулланыгыз

Авариягә юл куймас өчен, беренче чиратта, юл хәрәкәте кагыйдәләрен үтәргә кирәк. Автомобильчеләргә транспорт чарасын елның бу вакытына тиешенчә әзерләргә кирәк: шиплы тәгәрмәчләр, фаралар кую һ. б.

Юл хәрәкәте кагыйдәләре буенча, тәүлекнең караңгы вакытында велосипедта, фаралар яки фонарьлар, ә яктыда фараларның якындагы уты яки көндезге йөрү утлары яндырылырга тиеш. Әгәр сез кышын велосипедта йөрисез икән, кискен тыюлардан һәм борылышлардан сак булыгыз. Җәяүлеләргә һәм хәрәкәттә катнашучы башкаларга саклану чараларын кулланырга кирәк.

Шуны истә тотыгыз, алама яктыртылган шартларда машина йөртүченең юлда очраган хәлгә реакциясе әкрен булырга мөмкин, тиешле карар кабул иткәнче вакыт уза, шул рәвешле машинаның тормоз юлы кыскара. Моннан тыш, велосипедчылар һәм роллерчылар үзләре шактый югары тизлекне үстерә һәм инерция буенча маневр ясый алмый. Шул рәвешле, хәтта кечкенә генә тизлектә дә автомобиль кешегә зур зыян китерә ала. Балалар өчен мондый хәл аеруча куркыныч.

Юлларның алама яктыртылу белән бәйле проблеманы хәл итү вариантларының берсе - җәяүлеләрнең, велосипедчыларның «яктылык кайтаргычлар»ны куллану, бу исә кешене тәүлекнең караңгы вакытында ерактан күрергә мөмкинчелек бирә (150дән 400 метрга кадәр).

Профессионаллар материалны - «яктылык кайтаручы», ә детальләрен «катафотлар», дип атый.

Хәзерге вакытта яктылыкны кире кайтаручы элементлар төрле ведомстволарның һәм хезмәтләрнең махсус киемендә, спорт, балалар киеме һәм аяк киемендә, мотокиемнәрендә кулланыла. Тагылмалар, значоклар, брелоклар, наклейкалар һ. б. киң таралыш ала.

Русия закончалыгына ярашлы, юл читендә яки караңгы вакытта хәрәкәт иткәндә яктылык кайтаручы материалларны куллану буенча җәяүлеләргә тәкъдим итү нормасы гына бар. Бу киңәшне беркем дә колакка салмый. «Яктылык кайтаргычлар», нигездә, балаларга яки кешеләргә генә кирәк булган махсус киемнәрдәге элемент буларак кабул ителә, әмма бу бик күп очракларда гомерне саклап калырга мөмкин.

Хөрмәтле өлкәннәр! Балаларны яктыртылган урамнарда яки махсус яктырткычлар белән йөрүнең яхшырак булуына инандырыгыз.

Гөлнара ӘЛТАПОВА, ЮХХДИ бүлекчәсенең пропаганда буенча инспекторы, полициянең өлкән лейтенанты.