Кадетлар осталыкларын күрсәтте

Уеннар сынауларның чын калейдоскобына әверелде. Эрудитлар патриотик музыкаль лотода ярыштылар, ә яшь иҗатчылар визиткалар конкурсында бердәмлек һәм фантазия күрсәттеләр. «Сафта нык, сугышта көчле» дигән строй әзерлеге катнашучыларны һәр адымны төгәлләргә мәҗбүр итте.

Хәрбиләштерелгән эстафета һәм «Утлы рубеж» яшь армиячеләрнең җитезлеген, реакциясен һәм төгәллеген тикшерде. «Җиңүчеләр юлы» ярышында алар, разведчикларның чын осталыгын күрсәтеп, урында ориентлаштылар. Радиация, химик һәм биологик яклау, хәрби-медицина, физик әзерлек-һәр сынау
аларның тәннәрен һәм характерларын чыныктырды.

Бу уеннар катнашучыларның күнекмәләрен сынап кына калмады, аларны бербөтен итеп берләштерде.

Югары Яркәйдәге 4нче урта мәктәпнең М.Гәрәев ис. кадет 8 Б сыйныфы укучылары (остаз-укытучы - Р.Ганиев) да ярышларда катнашып, хәрбиләштерелгән эстафетада үзләренең белемнәрен исбатлады. «Ут рубежында» төгәллекләрен күрсәтсәләр, «Җиңүчеләр юлы» ярышында җирлектә ориентлашу күнекмәләрендә 3нче урынга чыктылар. Шулай ук радиация, химик һәм биологик яклау (РХБЗ), хәрби-медицина әзерлеге (ВМП) һәм физик әзерлек буенча көч, чыдамлык һәм координация күрсәтүче ярышларны уңышлы үттеләр.

Лилия ЙОСЫПОВА.