Шәфкатьлелек - йөрәктә, көч - бердәмлектә

- Мондый чаралар берләштерә, зур көч бирә. Табиблар пациентларга ярдәм итү өчен үзләре сәламәт һәм эмоциональ яктан бай булырга тиеш. Профсоюзга мондый вакыйгаларны елдан-ел масштаблырак һәм яктырак иткән өчен рәхмәт, - дип билгеләп үтте республиканың сәламәтлек саклау министрының беренче урынбасары Роберт Иштуков, җиңүчеләрне бүләкләп.

Турслетның программасы бай булды: спорт һәм иҗади сынаулар, җитди конкурслар һәм иҗади кичләр җырлар һәм шигырьләр белән чиратлашып барды. Туристлык маршрутында катнашучыларга кисешкән җирлек буенча ике чакрымда, «бурелом», «переправа», «кочки» дип исемләнгән этапларны үтәргә һәм коткару түгәрәген ыргытырга кирәк иде. Барлык сынаулар чыдамлык, үзара ярдәмләшү һәм бердәмлек таләп итте. Тизлеккә палатка җыю буенча конкурс реакциягә һәм төгәллеккә аерым тикшерү булса, «Спорт ориентлашуы», карта белән эшләү, вакытлыча тамга эзләүдә һәркем үз осталыгын күрсәтте. Иң кызыклы конкурсларның берсе — “Урман серләре” катнашучыларга медицина-табигатьне тирәнтен белү мөһимлеген искәртте. Үсемлекләрне рәсемнәре буенча танырга, дару үзлекләрен һәм куллану ысулларын сөйләргә кирәк иде. Беренче ярдәм күрсәтү буенча конкурс та әзерлекнең төгәллеген һәм җитдилеген раслады: камчы салу, бәйләү, зыян күрүчене транспортировкалау. Монда барысы да тиз, төгәл, профессиональ рәвештә — чын ашыгыч хәлдәге кебек барды.

“Тимер батыр” һәм “Яугир кызы” бәйгеләре көчле акцент булды. Ир — егетләр Юрактауны тизлеккә яуладылар, хатын-кызлар планкада басып чыдамлыкта ярыштылар. Бу биремнәр көч сынавы гына түгел, ә ихтыяр һәм рух күрсәткече булуын билгеләде. Кичен сәхнәдә Башкортстанның барлык почмакларыннан медицина коллективлары чыгыш ясады: җырлар яңгырады, биюләр һәм өзекләр башкарылды. Илеш командасыннан Юлия Мостафина «Ана турында баллада»ны сөйләп, күңелләрне тетрәндерде, күпләрнең күзендә яшь иде.

Район үзәк дәваханәсе командасы чарада актив катнашкан, сәламәт яшәү рәвешен пропагандалаган, команда рухын ныгыткан, креатив якын килү һәм иҗади идеяләр өчен РФ Сәламәтлек саклау хезмәткәрләре профсоюзының Башкортстан республика оешмасы тарафыннан Рәхмәт хаты белән бүләкләнде.

Лилия ЙОСЫПОВА.