Изге гамәлләре сөендерә

Бәйрәмнәрдә әлеге йортларда тәрбияләнүче өлкәннәрнең хәлләрен миһербанлы райондашларыбыз, якыннары белешә, күчтәнәчләр тапшыра, мәктәп укучылары, район мәдәният сарае, район үзәкләштерелгән китапханәсе хезмәткәрләре концерт номерлары бүләк итә. Әлбәттә, әби-бабайлар мондый ихтирам чарасына бик нык сөенә.

“Урал” җәмгыятенең генеральный директоры Елена Ибраһимова ел саен Халыкара өлкәннәр көне уңаеннан үзенең күчтәнәчләре белән шатландыра. Агымдагы елдада ул тәмле күчтәнәчләр, яшелчә-җимешләр һәм көзгеләр алып килде. Изге гамәлләре өчен Елена Роберт кызына зур рәхмәтебезне җиткерәбез, эшендә уңышлар телибез.

Венер СӘЛИМОВ, Ишкардагы инвалидларны һәм өлкән яшьтәге гражданнарны социаль хезмәтләндерү бүлеге мөдире.