Нәрсә ул Коррупция?

«Коррупциягә каршы тору турында 273ФЗ номерлы Федераль закон нигезендә коррупциягә рәсми аңлатма түбәндәгечә бирелә:

а) хезмәт урыныннан явызларча файдалану, ришвәт бирү, ришвәт алу, коммерцияле ришвәт алу я физик затның, җәмгыятьнең һәм дәүләтнең законлы мәнфәгатьләренә карамастан, үз вазыйфасы хәленнән акча, кыйммәтләр, башка мөлкәт яисә мөлкәти характердагы хезмәт күрсәтүләр, үзенә яисә өченче затларга бүтән мөлкәти хокуклар алу максатларында законсыз файдалануы;

б) «а» пунктында күрсәтелгән гамәлләрне юридик шәхес исеменнән яисә аның мәнфәгатьләрендә кылу; (“Коррупциягә каршы көрәш турында”гы Федераль законның 1нче маддәсе 1 п.)

РИШВӘТ АЛУ ЯКИ ПРОВОКАЦИЯ ОЧРАГЫНДА НИШЛӘРГӘ?

Сезгә куелган шартларны игътибар белән тыңларга һәм төгәл истә калдырырга (суммаларның күләмен, товарларның исемнәрен һәм хезмәтләрнең характерын, ришвәт тапшыру срокларын һәм ысулларын, коммерциячел сатып алу формаларын, мәсьәләләрне хәл итү эзлеклелеген һ.б.). Үзеңне бик сак, әдәпле, ялагайланмыйча тотарга кирәк, я әзерлек, я ришвәт бирүдән катгый баш тарту яки коммерцияле ришвәт алу буларак аңлатылырга мөмкин булган уйламыйча әйтелгәннәргә юл куймаска. Ришвәт бирү вакыты һәм урыны турындагы мәсьәләне вазыйфалы шәхес белән киләсе очрашуга күчерергә, бу очрашу өчен үзегезгә яхшы таныш урын тәкъдим итәргә тырышыгыз. Ләкин үзсүзле булырга артык тырышмагыз. Ришвәт яки коммерцияле ришвәт бирергә риза булган очракта, үзегезнең мәсьәләне хәл итү гарантияләре турында кызыксыныгыз. Сөйләшүдә инициативаны үз өстегезгә алмагыз, күбрәк тыңлагыз, ришвәт алучыга сөйләргә, сезгә мөмкин кадәр күбрәк мәгълүмат бирергә рөхсәт итегез.

ЯНАП КУРКЫТУ ФАКТЫННАН СОҢ УК СЕЗГӘ НӘРСӘ ЭШЛӘРГӘ КИРӘК?

Үзегезнең гражданлык позициягез, әхлакый принципларыгыз, вөҗданыгыз һәм тормыш тәҗрибәгез нигезендә сезгә карар кабул итәргә туры киләчәк. Моның белән бәйле рәвештә сезнең гамәлләрнең ике варианты барлыкка килә. Беренче вариант: ришвәт алучы белән һәртөрле элемтәләрне өзү, аңа үзенең җинаятькә барудан баш тартуын аңларга һәм сезнең мәсьәләнең хәл ителмәячәге, ә ришвәт алучының киләчәктә дә кешеләрдән җәзасыз көлүе, үзеңне җинаятьтәшләр һәм коррупцион багланышлар белән әйләндереп алуы белән килешергә. Икенче вариант: бу явызлыкны һәр конкрет очракта җиңеп булуын, кешенең теләсә нинди ситуациядә үз дәрәҗәсен сакларга һәм җинаять юлына басмаска тиешлеген ачык аңлап, коррупционер – ришвәтчеләргә һәм янап куркытучыларга каршылык күрсәтү юлына басарга.

Әгәр сез коррупциягә каршы торырга карар кылгансыз икән, үзегез теләгәнчә телдән яки язмача гариза белән яшәү урыныгыздагы хокук саклау органнарына яки аларның югарырак инстанцияләренә мөрәҗәгать итә аласыз. Әгәр дә Эчке эшләр органнары, Прокуратура, Тикшерү комитеты, ФСБ һәм башка хокук саклау органнары хезмәткәрләре тарафыннан янап ришвәт алу очраклары булса, сез турыдан-туры аларның шәхси куркынычсызлык бүлекчәләренә яки югарырак инстанцияләргә мөрәҗәгать итә аласыз.

Муниципаль район хакимиятенең рәсми сайтында «Коррупциягә каршы тору» бүлегендә коррупция фактлары турында хәбәрләр өчен кире элемтә шулай ук 8(34762)5-18-10 телефоны буенча «Ышаныч телефоны» эшли, анда коррупция факты буенча мәгълүмат калдыру мөмкинлеге бар.