Хезмәт яраткан - хөрмәтле

Авыл хуҗалыгы эшләрендә катнашып, укучылар хезмәтнең кадерен белергә һәм аның әһәмиятен аңларга өйрәнәләр. Бу тәҗрибә аларга тырышлык һәм эшкә җитди караш үстерергә ярдәм итә, бу хезмәт сөючәнлекнең нигезе булып тора. Практик дәресләр һәм педагогның шәхси үрнәге укучыларда хезмәткә уңай мөнәсәбәт формалаштыруга ярдәм итә.

Мәсәлән, Югары Яркәйдәге беренче гимназиядә мин технология дәресләре алып барам. Анда без укучылар белән төрле материалларны кулдан һәм машина белән эшкәртү нигезләрен өйрәнәбез. Практик дәресләргә әзерләнгәндә әти-әниләр белән тыгыз хезмәттәшлек итәм. Ата-аналарны кечкенәдән үк балаларын көнкүрештә төрле коралларны куркынычсыз кулланырга өйрәтергә, авыл хуҗалыгы эшләренә җәлеп итәргә чакырам.

2025 елның декабрендә беренче гимназиянең 10нчы сыйныф укучысы Рөстәм Сафуанов технология буенча Бөтенрусия олимпиадасының муниципаль этабында җиңүче булды. Агымдагы елның февралендә Уфа шәһәрендә узган олимпиаданың төбәк этабында ул үзенең иҗади проекты белән чыгыш ясап, призер булды.
Тәрбияләнүчене югары казанышлары белән котлыйм һәм алга таба җиңүләр телим, күрсәткән ярдәмнәре өчен әти-әниләренә зур рәхмәт җиткерәм.

Тимур ШӘМСЕТДИНОВ, технология укытучысы.