Өлкән буын аралашу үзәкләре берләште

Якты бәйрәм бер мәйданчыкта Башкортстан буенча социаль фонд бүлегенең барлык 20 аралашу үзәген һәм күрше Чиләбе өлкәсеннән кунакларны җыйды. Илеш районын “Гармония” үзәге вәкилләре тәкъдим итте.Өлкән буын аралашу үзәкләре фестивале республикада инде икенче тапкыр үткәрелә һәм елдан-ел масштаблырак булып, битараф булмаган йөрәкләрне берләштерә бара. Узган ел республикада нибары ун аралашу үзәге булса, быел аларның саны ике мәртәбә арткан. СФР территориаль бүлекчәләренең клиент хезмәтләре базаларында аралашу үзәкләрен үстерү буенча Русия Социаль фонды проекты көмеш яшьтәге кешеләрнең тормыш сыйфатын яхшыртуга, аларның актив эшчәнлеккә һәм үзүзләрен тормышка ашыруга кызыксынуын саклауга юнәлдерелгән. Аралашу үзәкләре килүчеләрнең финанс һәм компьютер белеменә зур өлеш кертә. Белем бирү семинарлары һәм консультацияләр уздыру өчен даими рәвештә төрле өлкәләрдән экспертлар, шул исәптән тар белгечлек табиблары да чакырыла. Шулай ук бөтен ил буенча аралашу үзәкләре безнең сугышчыларга ярдәм итүгә зур өлеш кертә - маскировка челтәрләрен үрәләр, окоп шәмнәре, коры душ һ.б. ясыйлар.

Фестивальнең төп максаты - өлкән буын кешеләренең иҗади, иҗтимагый һәм мәдәни активлыгын озайту гына түгел, ә тере аралашу, тәҗрибә уртаклашу һәм дустанә элемтәләрне ныгыту өчен мәйдан булдыру. Башкортстан Республикасында зур һәм тату гаилә елында фестивальгә Чиләбе өлкәсенең Магнитогорск шәһәрендәге өлкән буын аралашу үзәге вәкилләре чакырылуы символик мәгънәгә ия.

Фестиваль көн дәвамында район мәдәният сараенда узды. Кунакларны сарай фойесында «Миләш» ансамбле җырлар белән каршы алды.

Чараның беренче өлешендә аралашу үзәкләре активистлары әзерләгән кулдан эшләнгән әйберләр күргәзмәсе тәкъдим ителде. Фестиваль кунаклары шулай ук ротангтан эшләнмәләр, көрәшчеләребез өчен беләзекләр ясау буенча мастер-классларда булдылар, Саклык курчаклары тегәргә һәм йоннан киез итек басу техникасына өйрәнделәр. Күргәзмә зонасында Әбҗәлил районы СВО катнашучылары өчен гуманитар ярдәм җыю пункты эшләде.

Фестивальнең икенче өлешендә катнашучылар Ватанны саклаучыларга ярдәм итү, бердәмлек һәм дуслык, сәламәт яшәү рәвеше, традицияләрне саклау һ.б. темаларга иҗади «визиткалар» күрсәттеләр. аралашу үзәкләре активистлары вокаль, театральләштерелгән, бию номерлары белән чыгыш ясадылар һәм видеопрезентацияләрдә үзләренең иҗади потенциалын ачтылар.

Фәнил Вахитов фестивальнең мөһимлеген, традицияләрне һәм уңай үрнәкләрне тапшыруда өлкән буынның ролен билгеләп үтте. Ул кунакларга һәм партнерларга фестивальне оештыруда ярдәмнәре өчен рәхмәт белдерде.

Аралашу үзәкләренең икенче фестивале күңелле үтте. Катнашучыларга, шул исәптән илешлеләргә дипломнар һәм истәлекле бүләкләр тапшырылды.

Рәмилә НУРГАЛИЕВА. Гремучий Ключ авылы.