Хәбәрсез югалганнар

Тарихта сезнең исемгә
Сәер тамга салганнар.
Яугир затлар, әй солдатлар,
Хәбәрсез югалганнар!

Шушы гаҗәп тамга белән
Өйләргә хатлар киткән.
Ә көткәннәр ышанмаган,
Кайтыр, дип өмет иткән.

Эзләп-эзләп тә табалмый,
Буш сүзгә юанганнар...
Кайберләре нахаксызга
Кагылган-сугылганнар.

Дөреслекне табалмыйча,
Күкләргә юлланганнар.
Кай җирләрдә икән соң сез,
Хәбәрсез югалганнар?!

Исемнәрегез үлемсез,
Тик килми хәбәр-хәтер.
Гамьсез караш җанны өтә,
Менә шунысы хәтәр.

Тарихта сезнең исемгә
Зәһәр тамга салганнар,
Ватан өчен канын койган,
Хәбәрсез югалганнар!

Рита СОЛТАНОВА. Базытамак авылы.