Тиздән экраннарга чыгачак

Якташыбыз, Югары Манчар егете, төрле конкурслар лауреаты, Башкортстан Республикасының атказанган мәдәният хезмәткәре, популяр җырчы Илшат Сибәгатуллин башкаруындагы «Әниемә җыр» дип аталган җырга талантлы режиссер Гөлсәрия Рәшит кызы Дәүләтгәрәева клип төшергән. Билгеле җәмәгать эшмәкәре Зөһрә Җиһанур кызы Рәхмәтуллина сүзләренә язылган бу җырның көен Илшат үзе иҗад итә. Озакламай ул «БСТ», «Курай», «Туган тел» телеканаллары аша зәңгәр экраннарга чыгачак.