Эшлекле бәйләнеш булдыру максатында

22 мартта Уфа шәһәрендә “АгроКомплекс-2022” XXXII Халыкара махсуслашкан күргәзмә ачылып, ул “ВДНХ-Экспо” күргәзмә комплексында уза. Әлеге күргәзмә кысаларында, русия җитештерүчеләренең һәм республика фермер хуҗалыкларының иң эре азык-төлек ярминкәсе эшли.

Районыбыздан ярминкәдә “Илеш продукты”, “Илишагропродукт” һәм “Илеш сөте” авыл хуҗалыгы кулланучылар кооперативы үзләре җитештергән продукцияне тәкъдим итте.

Безнең продукцияне Башкортстан Республикасы Башлыгы Радий Хәбиров югары бәяләде.