Вымпел - уңганнарда

Районыбыз басуларында язгы кыр эшләре оешкан төстә бара. Игенчеләребез сынатмый, җиң сызганып, үзара ярышып эшли. Бу атнада “Маяк” кооперативының тәҗрибәле механизаторы Рафаэль Җиһануров чәчүдә җиңүче дип танылды. Ул "К-744" тракторына тагылган "Кузбас" чәчү комплексы белән 958 га мәйданда яңа уңышка нигез салды. "Урал" җәмгыятенең уүган механизаторы Мәүлетҗан Рәхимҗанов культивацияләүдә беренче булып танылды. Ул "Агротрон" тракторында 696 га мәйданда җир культивацияләде.